Сүү оруулах

Яаж сүү оруулах талаар болон өөрийн туршлага нөхцөл байдлын талаар хуваалцахаар шийдлээ. Би 3 сарын өмнө яаралтай хагалгаагаар төрсөн юм. Тэр үед охин минь 30 долоо хоногтой нярайн эрчимт эмчилгээний тасагт байв. Амлуулах байтугай юм хөхөх рефлекс нь үүсээгүй. Тэгээд ч би яаралтай хагалгаагаар кесерово хийлгэж төрсөн болохоор өөрөө төрсөн хүмүүс шиг шууд сүү орохгүй байв. Тэгээд 3 цаг тутамд сааж байх даалгаварыг эмчээсээ авлаа. Мэдээж автомат саагчаар. эхлээд хөхний толгой

хагараад, дусал суу ч гарахгүй их хэцүү байв. гэхдээ эмч тос турхэж, жин тавиад цагтаа саасаар байхыг сануулав. хагалгааны дараа идэх юм юу ч өгөөгүй идэж уусан юм нь бяцалсан мөс л байсан болохоор эхний 2 өдөр сүү орсонгүй. тэгээд хүйтэн ус жүүс уусаар жирийн хоол идэх болов. 3 дах өдрөөс дусал уураг гарав. тэгээд 1 гр, 3 гр 5 гр гэх мэт суу бага багаар нэмэгдэв. Хүүхдэд маань 1 гр уураг байсан ч авчруулсаар гуурсаар хооллож байв. Сүү аажмаар нэмэгдсээр 150 гр орчим гардаг болсон (3 цаг тутамд). Сүүгээ хөлдөөгөөд эмнэлэгт аваачиж өгдөг, эмнэлэгт суун дээр маань тэжээл нэмээд хүүхдийг маань гуурсаар хооллодог байв. Сүү оруулах хамгийн гол зуйл бол суугээ сулартал нь тогтмол хөхүүлэх буюу саах. Гараараа сааж болохгүй. Саагч авах хэрэгтэй. (анх монголд торсний дараа манай хүн автомат саагч авья гэсэн боловч би үнэтэй байна гээд авахуулаагуй, тэгээд гараараа саадаг байв. Тэр саагч 120 орчим мянган тг. тэр уедээ үнэтэй санагдаж байсан ч одоо бодоход хамгийн хэрэгтэй юмнаасаа мөнгөө харамласан санагддаг юм). Мөн сайн унтаж амрах, шингэн юм сайн уух. булээн шуршуурт ороод нуруунаасаа усаар шуршвэл бас их сайн гардаг. Гол нь тогтмол суллаж байх хэрэгтэй. Хөхний сүүг хөлдөөгөөд 6 сар хуртэл хадгалж болдог. гэсгээгээд л өгөхөд болно. харин хөлдөөгөөгүй бол зүгээр хөргөгчний сэрүүн нөхцөлд 7 хөнөг хуртэл хадгалж болно. харин жирийн тасалгааны температурт 1 цаг хүртэл байлгаж болно. энэ хугацаанаас хэтэрвэл хүүхдэд өгч болохгүй.

Энд оруулсан зураг нь миний саагаад хөлдөөгчиндөө хадгалсан суу байна. өдөр цагаа бичээд наасан байгаа. Зурган дээр харуулах гэж ил гаргаж тавилаа.

Охинтой болов

Удаан хугацааны туршид бичлэг хийх блогоо шалгах боломж байсангүй. 28 долоо хоногтой зүв зүгээр байхдаа ус минь хагарснаар emergency-ээр эмнэлэг оров. Эхлээд өөрөө ус хагарсан байсанаа мэдсэнгүй. Өдөржин 00 орсоор орой нөхөрийгөө ирэхэд бараг л сонин болгон ярив. Гэтэл байдал бишдэж уснаас өөр ямар ч шингэн байх ёсгүй эмчид үзүүлнэ гэснээр явсан нь зол болов. үзлэг хийсэн эмч төрөн төртлөө эмнэлэгээс явж болохгүй гэснээр эрчимт эмчилгээний тасагтаа хонов. Шөнөжин баахан аппарат тарианд холбоотой байж өглөө нь жирэмсэн эмэгтэйчүүдийн тусгай эмчилгээний тасагт шилжив. Ус маань хагарсан ч өвдөлт өгч эхлээгүй болохоор ингэж шийдсэн аж. шөнөжин янз бүрийн эмч нар ирж уулзаж нөхцөл байдал танилцуулж баахан бичиг цаасанд гарийн үсэг зуруулав. Тоймловол яаралтай хагалгааны зөвшөөрөл, цус сэлбэх, хүүхдэд үмчилгээ хийлгэх, үхвэл донор болох зэрэг зүйлс байх шиг байсан. Хэхэ. Эхөд харсанаар хүүхэд маань буруу байрлалтай болох нь тогтоогдож, кесерово хагалгаа хийлгэх нь тодорхой болов. Эмч нарын гол санаа зовж байсан асуудал нь уушигны дутуу хөгжил байв. 34 долоо хоног хүртлээ өвдөлт өгөлгүй тэсч чадвал хагалгаанд орж төрнө. тэрнээс өмнө өвдвөл өвдсөн цагтаа төрөхөөр шийдвэр гарсан байв. ингээд эмнэлэгт орноосоо босохгүй дэглэм бариж 12 хоног тэсч чадав. Хяналт, эмчилгээ үйлчилгээний тухай яриад яахав...

шинэ том өрөөнд нүүхээр болж би тэсэлгүй орноосоо босч юм аа янзалсанаар өвдөлт эхлэв. удаан орондоо хэвтсэн дээрээс нь би өөрөө хөдөлгөөнтэйг хэлэх үү, эмнэлэгт ирээд миний буруу гишгэсэн ганц алхам тэр байсаныг сүүлд дандаа харамсан боддог юм. босож явсанаар өвдөлт шууд өгсөн байх гэж би өөрөө таасан. тэр өдрөө яаралтай хагалгаа хийлгэж (бутэн нойрсуулалт) орой нь орон дээрээ түрүүлээстэй нярайн эрчимт эмчилгээний тасагт очиж охиноо харсан. юу гэж бодохоо ч мэдэхгүй байсан. 1 кг гаруй нярай хүүхэд баахан юм залгуулчихсан гэрлээр шаруулаад инкубаторт байх нь төсөөлөөд байх амар эд биш юм билээ. Би Шоконд...

Өмнө нь бас нэг хагалгаанд орохдоо бутэн нойрсуулалт хийлгэж байсан юм, сая 2 дах нь гарахдаа их удаан, яг солиотой хүн шиг л байсан...

эмнэлэгт 4 хоноод гэртээ гарсан. харин охин маань эмнэлэгт. Сүүгээ автомат саагчаар сааж эмнэлэгт аваачиж өгдөг байв. охин дээрээ дуртай уедээ очиж хажууд нь сууж болно. яаж ч удсан болно. Хүүгээ монголд төрүүлж байхад манай хүү 1-р эмнэлэгийн нярайн тасагт 5 хоносон юм. тэр үеийг энэ үетэй югаар нь ч зүйрлэх юм бол биш. нөхцөл байдал, эмнэлэгийн орчин эмч сувилагч нар гээд л... энд хөхний сүүг цусан бутээгдэхүүнд тооцдог болохоор маш өндөр хяналттай. Монголд байхад төрчөөд сүүгээ саагаад очисон чинь танай хүүхдийг xооллочиxсон гээд наад суугээ тэр хөргөгчинд байгаа саванд хийчих гэж байсан нь санаанд шууд орсон. хэзээ миний монгол ийм болох вэ?