Болзоонд :D

Өнгөрсөн хагассайнд 4тэй хүүтэйгээ, өчигдөр аавтай нь болзоонд явав. Хүүтэйгээ болзоонд явахдаа хүүхдийн кино үзээд хоолонд орох төлөблөгөөтэй байсан боловч лавлахаас асуухад УБ-т маань нэг ч кино театруудад хүүхэлдэйн кино гараагүй байсан тул тоглоомын газарт очиж тоглуулах болов. Нэг молл-д байх тоглоомын газарт очиж хүүгээ тоглуулаад өөрөө тэр хавиар нь эргэлдэв. Гэхдээ бас санаа зовоод ихэнх цагаа хүлээж сууж өнгөрүүлсэн. Ер нь яг тэгж хүүхдээ тоглуулаад хүлээхээр бол унших ном сэтгүүлтэй явсан зүгээр юм билээ. манай хүү тоглож байхдаа намайг гошгоруулаад кккк. Ээжээ та хамгийн шилдэг ээж л гэнэ, хайртай л гэнэ. Одооны хүүхдүүд айхтар болжээ. Би ми жаахан байхдаа юун тэгж хар тэнхээгээрээ олон нийтийн газар хашгирах, багш хичээл дээр юм асуувал ээрч муураал хариулдаг байсан байх. Тэгээд хүлээж суухдаа бас бидний үе бидний хүүхдүүдийн үе ямар их өөр байгааг харьцуулж бодов. Одооны хүүхдүүд би бас яг адилхан эрхтэй дархтай сонголттой хүн гэдгээ илүү ухаарсан, тиймдээ ч юманд хувь хүний сонголт талаасаа ханддаг болж. Би жаахан байхдаа ээж юу гэх бол багш юу гэх бол л гэж боддог байсан санагдаж байна. Дэлгүүрт нэг тоглоом харлаа ээждээ хэлнэ. Ээж юу гэнэ тэрүүгээр л шийднэ. Арай том болоод сайн тал, хэрэгтэй байдалаа ухуулж үзнэ. Амжилт олвол минийх үгүй бол ээжийнхээр шийднэ. Бусад хүмүүс ямар байсын би бол тийм л байлаа. Тэгтэл тэр тоглоомын дэлгүүрийн яг зэргэлдээ хүүхдийн тоглоом зардаг тасаг байна. Хүүхдүүд эмээ өвөө ээж аавтайгаа тоглоом авна. Сонголтоо өөрсдөө хийгээд авахуулна. Манай хүү бас тоглож дуусаад дэлгүүрээс тоглоом авна гэв. Тэгээд модон блок хайрцагтай нь сонгоод энийг авмаар байна гэж байна. Би:
-Миний хүүд мега блок байгаа юм чинь наадах чинь хэрэггүй ш дээ. Хүү:
-Гэхдээ мега блок чинь гурвалжин дүрс байдаггүй ш дээ. Би:
-Модон тоглоомны гурвалжин дурсийг мега блоктойгоо угсарч болохгүй юм чинь миний хүүд хэрэггүйн байна. :) Хүү жаахан бодосноо:
-Тэгвэл би өөр тоглоом авмаар байна. Яагаад гэвэл би хуучин тоглоомноосоо уйдсан. Би:
-Энэ цаг ямар байна? (модон цаг үзүүлэв) Манай хүү дурамжхан харж байсанаа.
-өөр тоглоом авмаар байна. Би:
-Миний хүү цагаа сураагүй юм чинь чамд хэрэгтэй ш дээ, манай xүү:
-За би авья. Гэснээр бидний наймаалцал дуусч хямдхаан модон цаг авахуулахаар болов. Тэндээсээ хоолонд орж, дараа нь ээж нь өөрийхөө зугааг гаргаж ганц нэг газраар орсоноор болзоо өндөрлөв. Гэртээ ирээд манай хүү нөгөө цагаа дүүдээ өгч байна. Таалагдаагүй тоглоом авсан хүүхэд ингэдэг бололтой. Би бас мангар юм аа. Сайн үзэж байгаад хэрэгтэй тоглоомыг нь авч өгдөг байж гэж дараа нь харамссан. Бас дэлгүүрт явж байтал хүүхдийн хувцасны тасагт яг манай охинд таарахаар гутал байв. Манай хүү хажуугаар нь өнгөрөхдөө бариж аваад -ээжээ дүүдээ авья гэж байна. Нээх хөөрхөн. би дүүд нь гутал байгаа гэж хэлээд буцааж тавиулсан. Хааяа хааяа энэ жижигхэн залуутай болзох бас зугээр юм. Яг хүүдээ зориулж цаг гаргана. Бас урид нь нээх анзаараад байдаггүй зүйлсээ ажиглана. Ер нь бодоод байхад хүүхэд том болох тусам бие даана эцэг эхээсээ хөндийрнө, найзуудаа илүүд үзнэ. Тиймээс заавал ээж-хүү гэсэн цаг байлгах хэрэгтэй юм шиг.
Өчигдөр том залуутайгаа болзоонд гараад нэг ресторанд хоол идэв. Нөгөө хоолны дэглэм бариж байсан хүн чинь будаа шүү дээ. Дэлбэ идээд гэхгүй юу ккк. Вьетнам үндэсний По шөл, Шримптэй паста, пизза гээд явж өгсөн. Гэхдээ санаа зоволтгүй өнөөдрөөс буцаад дэглэмдээ орсон. кккк Орой уул нь гарж орж идэж ууж хүн хартай уулзаж баймаар л байх юм. Манай том залуу ч намайг гар гар шоуд би хүүхдүүдээ харна л гэдэг юм л даа. Угаасаа хардаг юм. Би хоол идэх гэж гармааргүй байдаг. Уух аяга тагш юм эргүүлж буу халсан шиг суувал сайхан. :) Даанч нэг найз жирэмсэн болсон, нэг нь бөөн ажил бас хажуугаар нь болзоо залуу гд мань мэтийгээ тоохоо болицон, нэг найз гадагад яваад боломжгүй болсон гэх мэт. Уулзана гээд уулзаагүй 10 жилийн их сургуулийн хуучин ажилын гд зөндөө найзууд байгаа ч нэг л хувьсгалын тохироо бүрдээгүй гдг шиг яг сайхан уулзах боломж гардаггүй. Өчигдөр манай том залуу хоолонд орчоод жаахан юм яриж сууж байгаад харих замдаа нөгөө 2-оо санаж байна шүү гсн нээх хөөрхөн санагдаад.
Нээрээ миний блогийг нилээн хүн үзсэн байх юм. Олигтой хүнд хэрэгтэй юм бичдэг биш санаа зовоод. Яг энэ л хэрэгтэй гээд бичих гэхээр нэг л болохгүй бас тэгээд хүнд хэрэгтэй шинжлэх ухааны үндэстэй ядаж л өөрөө туршиж баталгаажуулсан мэдээлэл, зөвлөгөө бичнэ үү гэхээс ямар халтуурдаал бүлт бүлт үсрээд байлтай биш. Саяхан би Фэйсбүүк др ээжүүд гд бүлгэмд элсвээ. Уул нь энд тэндэхийн эмчийн утас, эмнэлэг, хаана юу зардаг гээд л хэрэгтэй мэдээллүүд зөндөө л байдаг юм билээ. Даанч саяхан нэг мэдрэл муутай пост уншаад миний бүүр хамаг сүжиг буураад нээх орохоо болицон. Нэг ээж жирэмсэн байхдаа ч бил үү хөхүүл байхдаа ч бил үү Хербалайф ууж болох уу гэж асуусан байсан юм. тэгсэн зөвлөгөөнүүд нь -ихэнх эм бэлдмэлүүд нь жирэмсэн болон хөхүүл эхчүүд ууж болохгүй гэсэн байдаг гэж нэг ээж бичсэн байхад, доор нь би тэдэн сартай хөхүүл тэгж бичсэн ч гэсэн би уугаал байдаг манай хүүхэд зүгээр л байдаг ер нь ч хүүхдийн чинь ч гсн муу хортой юм нь гадагшлаад зүгээр гсн утгатай юм бичсэн бсийн. Тэгсэн бас нэг ээж манай эгч хөхүүл байхдаа уугаад хүүхэд нь гүйлгээд эмч гэдэс нь өнгөргүй болсон байна гэсэн гээл бичингүүт нөгөө ээж нь буцаж орж ирээл миний мэдэх зөндөө хүн уудаг бла бла гээл бичээд л... би тэнд бичсэн юмыг энд ингээд бичдэг маань ч бас буруу байж болох юм. Гэхдээ мэддэггүй мөртлөө мэддэг юм шиг бусдад зааж зааварлах ямар муухай байдгийг гүн гүнзгий ойлгож авахаар байгаа юм. Би ч өөрийхөө зарим үйлдлийг хянаж болгоож явахгүй бол бас бусдын нүдэнд энэ байтугай муухайгаар тусаж болзошгүй. за тэр ч яахав тэ
Ойрд гадаа дулаахан сайхан байна оо. Хааяа охиноо аваад гадаа гардаг юм. Манай хүү 4 цагаас гэртээ ирнэ би охиноо аваад өмнөхөн нь гараад тосож авна. тэгээд гэртээ орж ирээд хүүхдүүдээ хооллоод том залуудаа хоолыг нь хийгээд дараа нь тэрийг тэгнэ энийгээ ингэнэ гэсээр байтал шөнө хамгийн сүүлд орондоо орно. Өдөр болгон давтан давтан хийнэ гэхээр үнэн залхуутай. Гэхдээ надаас өөр хэн хийхэв гээл тэгээд ч хүүхдүүд минь насаараа нялх явах биш, жаахан байгаа дээр нь сайн эрхлүүлж энхрийлж авья гэж бодоол байсан чинь манай том залуу чи охиноо аймар эрх болгож байна шүү гэхээр нь анзаарсан чинь үнэний ортой ч юм шиг. Уул нь би хүүгээ бага байхад нээх эрхлүүлээд сүйд болоод бдгүй байсан чинь охин бол шал өөр байна аа. за би баахан яриа болжээ ойрд.

Мастер төлөвлөгөө

За би гэдэг хүн төрснөөсөө хойш майр таргалж буян заяг хэдэн жил хураагаад буй билээ. ;)) Гэвч энэ маань одоо хэтэрч байна өө. Тэгээд турах мастер төлөвлөгөө боловсруулж түүндээ шуурхайлан орлоо. Сэтгэл шулуудаад удаагуй тул хэлж гайхуулах үр дүнг одоохондоо үзээгүй байна. Гэхдээ ямар ч байсан, хэдий хугацаа авсан ч сэтгэлээ чандлан бариж, турах их үйлсдээ энэ биеээ зориулнаа. Хахаха. Хааяа мэдрэл хөдлөөд гэхгүй юу. За тэр ч яахав. Би хоолны дэглэм, дасгал, балет гд боломжтой арга хэмжээг авч байна. Хоолны дэглэм их хэцүү байна. Би дэглэм бариж байгаа даа гэж бодохоор өөрийн эрхгүй Өлсөөд байгаа юм шиг санагдаад бхийн. Уул нь хоолоо хассан юм байхгүй харин идэж байсан юмаа өөрчилж зөв юмыг нь идэж байгаа юм. Жишээ нь алкохолик юм уухгүй, торт нарийн боов идэхгүй, кола бүүр ч болохгүй гэх мэт. Би чинь оройдоо янзан бүрийн дринк хийж уучих гд ядаж л вино уудаг байсан одоо болисон. Торт амттай юм хийж идэхгүй байгаа. кола уухаа болисон, харин чихэр шоколад идэхгүй байх гэдэг их хэцүү хааяа хааяа өөр тийшээ харж байгаад ганц нэгийг гусчих гд зовлонтой. Хүүхэд байсан бол азрагалаад л болиулмаар даанч өөрийгөө яалтай билээ. За байз бас би өөрийгөө тэмээ шиг хүн юм байна гэдгийг ойлгож авлаа. Ус ууна гэдэг бол 7 хоногтоо нэг гэх нь хаашаа ийн. Маш бага уудаг юм байна. одоо яаж ийгээл ус шингэн их ууж байна. заримдаа ус уухаар дотор муухайрах юм. Тэр уед нь бага зэргийн жимсний цай нтр найруулж ууна. Тэгэхээр арай дээр. Алин диван галавт (хэзээ хаанаас ийм айхтар үг сурсийм :) ) турах хүсэл өвөртлөн баахан хичээл, двд, дасгалын хэрэгсэл, тураадаг хувцас хүртэл авсан байсан боловч хэрэглээгүй хадгалж бүтэн хайрцаг дүүргэсэн байсаныгаа саяхан нүүдлээр илрүүлж гаргаж хэрэглэнэ хэрэглэнэ гэж явсаар саяхнаас нэг муу юм нар салхи үзүүлж энд тэнд хөглөрүүлдэг ажилтай болсон. Нэг юм хэрэглэхээр л манай хүү надаа гээд чирээд өрөө рүүгээ явчина. Очоод харахаар янз бүрээр ашиглаад тоглоомондоо оруулцан байна. Би хөөе миний хэрэглэж байсан юм гэхээр өөдөөс ээлжилье гээд ам таглачина. :) Хүүхдүүд айхтар болоод ам хэл нь гүйцэгдэхээ байж ээ. Ухаан гэж бүүр мань мэтээсээ хол давах байх аа. Манай охин iphone ipad дээр хуруугаа гүйлгээд сурцан. харахаар инээдтэй. ТВ -ийн удирдлагаар удирдах гж оролдоод чадахгүй болохоороо доор нь очцон утсыг нь татаж байсан. гд айхтар айхтар юм хийнэ. За нөгөө турах их хүслийг өвөртлөн бичиж суусан хүн хүүхэд шуухад хоол хош яриад хадуурчив. Одоо жаахан дулаарахаар дугуй унана. Даанч монголд маань дугуйн зам алгаа. манай гадаа ч уул нь унах газар зөндөө бий. Харин унаад хотын төв орох ойр зуур явахад зам байхгүй болохоор айдастай. Удахгүй турах үйл явц хэрхэн үргэлжилж байгаа талаараа бичнээ. Ойрд овоо дулаарч байна. Охиноо аваад гадаа гарий дөө. :D

Загасчны морь усгүй

За сайн байцгаана уу? Ойрд зав жаахан муутай, гадуур гарахаар бөглөөнд хамаг цагаа бараад үсээ зулгаахаас наахнуур юм болж байж зарим ажилаа амжуулвал амжуулаад, чадахгүй бол бухимдалтай гэртээ харьдаг маршруттайгаар өдөрийг өнгөрөөж байна. Загасчны морь усгүй гэдэг үг байдаг билэв үү? Яг тэр чинь над дээр биелээд ээ. Америкт байхдаа охиноо үзүүлж түнхний эход харуулж байсан юм. Тэр үед зүв зүгээр байсан. Харин саяхан санаандгүй нэг ажил хөөцөлдөөд охинтойгоо гадуур явж байлаа. Хөөцөлдөж байсан ажил маань хойшлогдоод яг Сонгдо-ийн хажууд паркалж таарав. Гэнэт зүгээр харихаар охиныхоо түнхний зургийг авахуулж үзье, юмийг яаж мэдэх вэ гэж бодоод зургийг нь авахуулав. Eduardo гээд рентгэн уншдаг эмчээс нь асуулаа. Ямар байна, юу гэж бодож байна гээд. Асуугаагүй бол зүгээр л явуулчих байсан байна лээ. Эмч нь гарч ирээд миний зураг авахуулсан зорилгыг сонсоод хүүхдийн рентгэн зураг уншдаг эмч дээр оч гээд гэмтэлийн эмнэлэгийн нэг эмч руу өөрийхөө нэрийг хэлээд явууллаа. Би ч гэмтэл очлоо. Орой 4 -5 болж байсан байх. Эмч нь тэр өдөр ажилдаггүй маргааш нь ээлжтэй болж таарав. Тэгээд би бодлоо. Ер нь энд ирчихээд Бүдээ эмчид үзүүлэхгүй буцна гэж юу байхав. Үзүүлье, гэж бодоод дээшээ гараад хүлээж байгаад үзүүлсэн. Тэгсэн түнхний хагас мултралтай байж Дөрөөвч зүүхээр болов. Тэр өдөр 4 дэх өдөр байсан юм. Эмч маргааш нь ажиллана. Нөгөөдөр нь Америк явна. Дөрөөвчөө маргааш авчир гэлээ. Би ч бөөн шоконд орсон амьтан гэртээ ирээд хүүгийнхээ багадсан дөрөөвчийг олж аваад маргааш гарахад бэлдлээ. Маргааш нь (5 дах өдөр) Дөрөөвч хийдэг Протезийн үйлдвэрт очиж хуучин дөрөөвчөө охиндоо таарах эсэхийг нь хэмжүүлэхэд багадав. Хүү маань 6 сартайдаа зүүж байсан охин ойтой болохоор аргагүй байв. Шинэ дөрөөвч оёход ажилын 3 өдөр. Тэр өдөрөө бэлэн болгоод эмчдээ очиж зүүлгэхгүй бол эмч нь нилээн удаан явах болохоор өөр аргагүй байв. Тэгээд эмэгтэй хүний хэдэн ч билээ арга мэхээ хэрэглэж байгаад орой 4 гэхэд дөрөөвчтэй болоод эмчийнхээ үүдэнд 2 цаг очерлож байж дөрөөвчөө зүүж авч санаа минь амрав. Тэгээгүй бол бас том болох тусмаа эмчилгээ удаан хийгдэнэ, өөрт нь ч хэцүү, надад ч хэцүү ядаж л өргөж дийлэхгүй. Тэгээд л өөрийгөө зүхээд л сууж байна даа. Би хэнэггүйтэж зөндөө цаг алдсан. Одоо охиноо л хурдан эмчлүүлж авах минь гол амьдралын зорилго болоод байна даа. Та нар ч гэсэн за үзүүлчихсэн юм чинь зүгээр биз гэсэн гэнэн тэнэг тайвшралыг өөртөө битгий өгч тэрүүхэн үедээ хуурч байгаарай. Дараа нь горыг нь бүүр томоор амсдаг юм байна.

1-р сарын 18 өдөр

Сайн байцгаана уу. Шинэ оны мэнд! Ойрд завгүй мөртлөө хийж бүтээсэн зүйлээр маруухан, барцадтай, уйтгартай, утаатай өдрүүдийг өнгөрөөж байна. Цанаар гулгаж яваад хөлөө гэмтээсэн, машинаа паркалж байгаад ард талдаа харалгуй хана мөргөсөн, гэх мэт барцад ихтэй байлаа. Охин удахгуй ой хурнэ. Мөлхөж байгаа. Саяхан вакцинаа хийлгэсэн гэх мэт. Уул нь надад зарах нэг BEBE сандааль, Clinique lotion, baby vitamin, coach bag, гэх мэтийн бас бус юмс будаг шунх байгаа боловч энд бичээд панз үсэргэлтэй биш. Бас өөр юу юу ч байгаа билээ бүүр мартчиж.
Ханиаднаас сэргийлсэн хүүхдийн хоол :)
Жигнэсэн алим, Аньс (cranberry)

Сонин хачин, хов жив :)

Бодоод байсан би дандаа юм шуумжилж бичдэг юм байна. Уул нь жаахан муухай тэ? :) Одооноос сайн сайхан гэрэл гэгээтэйг нь бас хэлж яриж байна аа. Өчигдөр ёолкоо засав. Уул нь зураг оруулмаар л байна. Гэхдээ бас таниж мэддэг хүн уншаад аан гээд барьчиxвал гээд айгаад гэхгүй юу. :)
Өнөөдөр эгч гацуур авах гээд циркд нээгдсэн шинэ жилийн үзэсгэлэн худалдаа ороход нь хамт явсан юм. Гацуур мод төрөл бүрээрээ, харин тоглоомнууд нь үнэн сонголтгүй наасан. Эсвэл өнгөлсөн цаас юмуу пластик юм уу мэдэхгүй нэгэн зүйл бөндгөр тоглоомнууд, эсвэл шилэн тоглоомнууд. Манайх дандаа шилэн биш, пластик биш хагарч хэмхэрхээргүй аюул осолд оруулахааргүй тоглоомтой. Манай хүүхдүүд жаахан байгаа болохоор юмыг яаж мэдэхэв татаад унагаачихвал өөрсдөө гэмтчихнэ гээд, бас модныхоо өнгө үзэмжинд тааруулаад түрүү жил авсан байсан юм. Өнөөдөр бас Скайгаар явж байсан бас л янз бүрийн бөмбөлөгөн тоглоомнууд байна лээ. Номин, Наран, Скай бол битүү хүн. Баяр болох гээд хүмүүс дэлгүүрийг нүүлгэж байгаа бололтой. Би бас энд тэндээс ганц нэг юм авах гэж өдөржин юм боллоо.
Түгжрээ гэж найгүй. Уул нь амралтын өдөр арай гайгүй байдагсан. Баяр өнгөртөл улам их болдог юм гэсэн. Машин барина гэж эр зоригийн ажил болжээ. Дохио өгөхгүй гэнэт урдуур орж ирэх, урсгал сөрөх, эгнээ дохиогүй чөлөөтэй шилжих зэрэг энгийн узэгдэл болж. Болохгүйг нь мэдсээр байж авдаг бол хулгайч хүний зан биз дээ. Яг тэрэн шиг эгнээ шилжихдээ гэрэлэн дохио өгөх учиртайг мэдсээр байж, гэнэт чичирч орж ирж байгаа хүмүүс бол хулгайч тийм үү. Уулсвар битүү байхад, эсрэг урсгал сөрж гэх зэрэг болохгүйг нь мэдсээр байж хийдэг энэ үйлдлүүдийг бол хулгайч хүмүүс л хийж байгаан. Монголчуудын үндсэн шинж чанар бол хулгайч гэж хаанаас ч билээ уншсан, эсвэл сонссон санагдаад байгаан. Тэр бол туйлын үнэн. Гээл муулахаа дуусгая. :)
Охин мөлхдөг болсон маш удаан бас мөлхөж яваа цэрэг шиг элгээрээ нээх эгдүүтэйгээр мөлхөнө. Дээрээ 4, доороо 2 цахиуртай болоод байна. хэнд очих уу хэнд очихгүй байхав гэх мэт нарийн ширийн юм сайн мэддэг ч болж. Маханд, ногооны шөлөнд, жимсэнд, нухаш гээл ер нь дургүй хоол алга юм шиг байгаам. Шүдээ хооронд нь хавиралдуулаад байж суух газар алга болгоно. Ядаж байхад ээж нь янз бүрийн хяхтнасан дуу чимээнд дургүйг хэлэх үү. :) Охиндоо нээх гоё Christmas dress авч өгье гэж бодсон юмсан, надад олдодгүй ээ. одоо яадгийм байгаам.

Гэснээс шинэ жилээр хийх хоолныхоо төлөвлөгөөг гаргах том ажил байна. Бэлэг сэлт болсон. Бас авах бэлдэх юм зөндөө байна өө. Эрэгтэй хүмүүс сайхан тээ. Хийсэн хоол идээл, ийм тийм байна гэчээл, авчирсан юм ийм тийм байна гэчээл, тв-гээ үзээл суужээн. Мань мэт нь гээл бодохоор тэ!
Хааяа эр байсан ч болоосой гээл бодохийн гсс.

Нярай болон бага насны хүүхдүүдийн машины суудал

За сайн байцгаана уу. Монголд ирээд онд орох гэж хахир хатуу өвлийн хуйтэнийг давах гэж хэрэндээ л хичээж байна. Ханиад томуу гэр бүлээрээ хүрлээ. Ханиадны вакцин бгаагүй бол бүр яах ч байсан юм гссс. Манай бага нээх сонин гүйлгэдэг ханиад ч юм уу, халдвар ч юм уу хүрээд. Гэхдээ эмнэлэгээр яваагүй ээ, эм ч уулгаагүй. Тэгж байгаад 5 хоног гуйлгээд зүгээр болсон. Ойр хавийн танидаг мэддэг хүмүүс л баахан эм өг гэж шахаж шаардах шив дээ. Ер нь би хүүхдүүддээ ханиад хүрэх зэрэгт бол ямар ч эм өгдөггүй. Өөрсдөө тэгж байгаад эдгэрвэл сайн гэдэг сургаалиар явдаг хүн. Гэтэл манай эгч бэр эгч нар нэг л биш ээ. Ханиад хүрэнгүүт нь л эм уусмал, антибиотик, сироп гээд л эм өгч өгч эдгэрэхгүй дараа нь хатгаа болоод тарианд оруулаад эdгээх юм. анхнаасаа тэгээд сургачихаар тэрийгээ л хийхгүй бол сүүлдээ эдгэрэхээ ч больдог юм шиг байна. Монголд ирээд маш ихээр сэтгэл эмзэглэж байгаа зүйл бол хүүхдүүдээ машинд авч яваа байдал. Дандаа өвөр дээрээ аваад урд суучих юм. Тэр хүүхэд бол аюулгүйн дэр л гэсэн үг. Хэрвээ машины хажуу талаас анхаарал болгоомжгуй ч юм уу халтиргаатай зам дээр машин ороод ирэхэд air bag буюу аюулгүйн дэр хийлэгдэж гарч ирнэ дээ. Тэр уед өвөр дээр сууж буй хүүхэд аюулгүйн дэртэй хавсрагдаж маш хүнд гэмтэнэ. Америкт бол үхэх аюултай гэж үздэг. Гэтэл Монгол шиг ийм найдваргуй замын хөдөлгөөнтэй газар машин тэрэгнийхаа бурэн бутэн байдлыг маш муу хангадаг хүмүүс жолоо барьдаг байхад яаж айхгүйгээр хүүхдээ тэнд суулгаж байгааг ерөөсөө яаж ч бодоод ойлгохгүй юм. Гадуур таксины ганц нэг жолоочтой түгжрээнд юм ярих зуур үнэмлэхгүй хүнтэй ч таарлаа, яриад үнэмлэх авсан хүнтэй ч таарлаа. автомат машинаар шөнөдөө үнэмлэхгүй халтуур хийдэг хүн ч байдагийг мэдлээ. Тэгээд бодохоор үнэхээр аймшигтай. Тэгээд дээрээс нь дурмээрээ явдаг жолооч өдрийн од шиг, гадуур ийм их халтиргаатай байхад яаж ч бодсон маш аюултай. Мэдээж та бухэн үзсэн дуулсан хэрэглэдэг байгаа л байх үзээгүй авах уу ях уу гэж бодож байгаа хүн ч байгаа л байх. Өөрийн туршлагаас хуваалцахад:

Нярай хүүхдийн машины суудлуудаас миний судалж мэдсэнээр хамгийн бага жинтэй буюу 4 lbs (1800 гр) -с эхлээд дээшээ нас болон өндөрөөс хамаараад booster seat хүртэл хэрэглэж болно.

Гэхдээ дутуу нярайг машинд авч явахад зориулсан тусгай жижигхэн ор байдаг юм билээ.

Миний харж байсанаар Монголд зөндөө олон газар машины суудал зардаг. Харин аль болох удаан хэрэглэж болох найдвартайг нь сонгох хэрэгтэй.

Доорх зурагт хамгийн цаад талд нь 1.8 кг- 13,6 кг хуртэлж нярайн суудал наад талд туунээс том хүүхдэд зориулсан машины суудал харагдаж байна.

Хүүхэд суусан байдал.

Ханиадны вакцин

За сайн байцгаана уу? Ойрд маш их завгүй, нүүдэл суудал дуусдаггүй. Нүүнэ гэдэг их ажил байдаг ч гадаадаас нүүж ирэх бүр их ажил байдаг юм байна. 7 хоногийн өмнө контеинэр ирж, гэрийнхээ тавилгыг тавьж санаа амарлаа. Тэгээд бас тохижуулах их ажилтай. он гарахаас өмнө амжвал их юм болох юм шиг байна. Гэснээс ханиадны вакцин хийлгээд. Хамгийн сайн вакцинтай газар SOS Medica International Hospital гэдэг эмнэлэгт байдаг юм байна. Амэрикт хийдэг вакциныг энд хийдэг юм байна. Сансарын тунэлийн тэнд туул жин пан гдг бил үү? тэнд байдаг юм байна. Хэрэгтэй бол 1109-с утасдаад утсыг н олж аваад очиж хийлгэж болно. бусад төрлийн вакцин бас хийдэг гэнэ. Гэснээс хүүхдүүддээ сүрье-ийн вакцин хийлгэмээр байна. АНУ-д хийдэггүй, Монголд өвчлөл ихтэй болохоор заавал хийх вакцинд ордог юм бн. Удахгүй арай завтай болохоороо зарим нэг хэрэгтэй бичлэг оруулнаа.