Хүүхдийн шүлсэвч оёx

За өмнөх бичлэгт хүмүүс хариу бичсэн тул бусдад хэрэгтэй байж гэж үзээд, бас би өөрөө хийж үзэхийг хүсэж байгаа хүүхдийн шүлсэвчний санааг та нартайгаа хуваалцахаар энд чирээд ирлээ.

P.S: Ойрд бичих юм олдохгүй хэцүү байна оо. :D

Шүлсэвч маань ингэж харагдах юм. (шүлсэвч гэх нь зөв үү та минь ээ)

Эндээс хэлбэрийг нь татаад авч болно.

1. Хэлбэр гаргаж хайчлана. Өмдөөр хийх бол өмдний дотор нь илүү өнгөө алдаагүй байдаг.

2. Гоёлын туузаар дуртай хэлбэрээ гаргаад ингэж тавиарай.

3. Зиг заг хэлбэрээр оёвол ингэж харагдаж байна. Өөр ямар ч хэлбэрээр яаж ч оёж болно.

4. Шүлсэвчнийхээ ар талд бариж оёх даавуутайгаа жинсэн нүүрэн хэсгийг нийлүүлэн ингэж бэлтгэнэ. Чимэглэл хийсэн гадна талынх нь хэсгийг даавуу руугаа харуулж тааруулна. (зурган дээрх шиг)

5. Одоо эмжээрийг нь ингэж оёно. Шүлсэвчнийхээ доод талд бага зэрэг нүх оёлгүй үлдээхээ мартуузай. дараа нь тэр нүхээр бутэн эргүүлж шүлсэвчний гадна талынх нь хэсгийг гаргаж ирэх юм.

6. Тэгшилж хайчилна.

7. Одоо үлдээсэн жижигхэн нүхээ ашиглан гадарыг нь гаргаж ир. Ангайлгасан хайч ашиглах нь аравч даавууг нь гэмтээж магадгүй тул, амыг нь хамхиж хэрэглэхийг зөвлөе.

8. Онгорхой үлдээсэн нүхээ одоо оёж болно.

Урдаасаа

Ардаасаа

Одоо арын хэсгээ юугаар холбодог байх вэ гэдэгээ шийдэх хэрэгтэй. Хамгийн зөв сонголт бол энэ байна.

Анхааруулга:

Товч болон тайлахад хэцүү кнопууд, мөн уяа, бүч зэрэг нь хүүхдийг хахуулах, боох аюултай учраас хэрэглэхээс зайлсxийгээрэй. Хүүхэддээ зүүж орхиод мартдаг, өөрөө эзгүй үед хүүхэд тайлахаар оролдоод боодог тохиолдол гардаг байна.

Хүүхдийн даавуун ном оёх

Юм хийх дуртай ээжүүд, мөн лагэр дээрээ уйдсан ээжүүд (Undukkaa - Mother-life) иймэрхүү юм хийвэл цаг амархан өнгөрнө, үр ашигтай, бас бүтээлч, хүүхдэд тань хэрэгтэй болов уу гэж бодоод даавуун матэриалаар гэртээ ном хийх төсөл оруулж байна. (би өөрөө хийсэн юм биш, өөр нэт дээр байсан Америк ээжийн төслийг энд хуулан тавьсан болно. :D

Энэ ээж жинсэн матэриалыг хүүдээ сонгосон гэнэ.

Хээг эндээс татаж аваарай.

Хөх саах, саасан сүүгээ хадгалах

Эхчүүд бидэнд зарим тохиолдолд хүүхдээ хөхүүлэх цагтаа гадуур гарсан байх, эсвэл хүүхэд хөхөө өөрөө хөхөж чадахгуй байх, бүр заримдаа эрт ажилдаа буцаж орох гэх мэт хөхөө сааж хүүхдээ хооллох хэрэг хэлүүлэлтгүй их гардаг билээ. Миний хувьд охиноо эмнэлэгт байх 2 сарын хугацаанд, 7 хоног орхиад аялалаар яваад ирэхдээ байнга саадаг байлаа. Ерөнхийдөө Автомат саагч, гар саагч юм уу эсвэл гараар хөхөө саагаад, саасан сүүгээ xөлдөөгчид 6 сар хүртэл хадгалан хүүхэдээ угжаар хооллож болно. Харин автомат болон гар хөх саагч болон өөрийн гараар хэрхэн саах, саасан сүүгээ хэрхэн зөв хадгалах болон, хүүхдээ угжихдаа хэрхэн тэжээл өсгөж өгөх талаар өөрийн мэддэгээ хуваалцья.

1. Хөх гараар саах

Энгийн бас олон юм шаарддаггуйгээрээ давуу талтай боловч, хөхний чинь сүүг автомат саагч юм уу хүүхдээ хөхүүлсэн шиг суллаж чадахгүй.

Сааxын өмнө:

- Гараа сайтар угаана

- 2 гараараа хөхөндөө массаж хийнэ. Энэ нь сүү сайн гарахад тусална. Хөхний гадна талаас хөхний товчны зүг зөөлөн тойрог маягтай илж өгнө.

- Хөхний гадна талаас хөхний товчийг чиглүүлэн маш зөөлөн цохиж ( бага зэрэг түнших төдий) өгнө. Хэрвээ чанга юм уу цохиход чинь өвдөж байвал хөхний чинь эд эс маш эмзэг учраас гэмтэх аюултай.

-Урагшаа бага зэрэг тонгойж суувал сүү сайн гарна. (Дэлхийн татах хүчний нөлөөгөөр?) :)

Саахдаа:

-Хөхний нөсөөт хэсгийг (энэ чинь нөгөө хөхний товчийг тойроод байдаг бор өнгөтэй тойрог шүү дээ. Нөсөөт хэсэг гэж нэрлэх нь зөв үү хүн ардуудаа.) эрхий хуруугаараа дээд талаар нь, долоовор юм уу долоовор + дунд хуруугаараа бариж цээжнээс хөхний толгой руу чиглүүлэн зөөлөн шахна(саана). Гэхдээ хөхний толгойноосоо татаж юм уу хөхнийхөө толгойг шувтартал сааж болохгүй. Хөхний толгой хагарна. Эхлээд хөхөө ивэлж зөөлөртөл зөөлхөн эхлээрэй. Сайн сүү ороогүй бол эхний хэдэн сэкүнд сүү гарахгүй. Харин их сүүтэй буюу, дөнгөж төрсөн уураг нь гарч байгаа эхийн саагаагүй хөх нь сааж байгаа хөхөө дагаж ивлээд зангирах аюултай. (миний хөх тэгж байсан. :( Уураг гарч байгаа дөнгөж төрсний дараах үед зангирахдаа мангар амархан, нүд ирмэхийн зуур юм билээ. ) Том хөхтэй ч юм уу сүү ихтэй хөх сулраад ирэх үед нь нөгөө гараараа бага зэрэг угаар нь базаж баривал сүү сайн гарна. Саах явцдаа массаж хийж сүүний гарцаа нэмэгдүүлж болно. Бас саахаасаа өмнө шүршүүрт ороод яг нуруунасаа хөхний арын хэсгээс усаар шүршиж байгаад гарвал сүүний гарц сайн байдаг. (Энэ бол жинхэнэ хувийн туршлага)

Яг ингэж бариж базаж ав гсн :)

Тэгээл наашаа цаашаа татаал шахаж түлхээл :p гм

2.Хөх саагчаар саах:

Хөх саагчийг бүрэн автомат болон гар саагч гэж ангилж болно. Анх хөхөө цаагчаар саахаар өвддөг юм. тэгээд сурна. Нэг сурчихаар их амар. Хөх саагчны түмэн янзын брэндүүдээс дурдвал: Ameda, Avent, Evenflo, Medela, Lansinoh, Playtex гэх мэтчилэн, Энэ дундаас эмнэлэгт байдаг нь Medela Symphony. Хамгийн хүчтэй, хүүхэдтэй адилхан гэж OT хэлж байсан. Энэ байна.

Эмнэлэгийн бүрэн автомат.

$1600 Базарваань :)

Миний нэг бодож явдаг юм. Монголынхоо эмнэлэгийг ийм саагчтай болгохийнсон гэж. Тэгвэл сүү орохгүй зовж байгаа эхчүүд, кесерово хийлгээд суугаад хөхөө сааж чадахгүй байгаа эхчүүд, хүүхэд нь нярайн сэхээнд эмчлүүлж байгаа эхчүүд гээд түмэн эхчүүдэд гүй мөн хэрэг болсон буянтай эд болно доо. Манай эмнэлэгийнхэн арчаагүй л дээ, бүүр нэг гомдмоор. Эрүүл үрс - Save the infants гээд NPO байдаг юм. Нодилон жил гадаадад суудаг монголчуудаас хандив цуглуулаад эх нялхасын эрдэм шинжилгээний хүрээлэнд нярай хүүхдийн хяналтын монитор 3-г билүү дээ авч өгсөн шд. Би бас чадлаараа оролцсоон. Анх авч өгөхөөс нь өмнө байхгүй байсан гэл үү нэг ширхэг байсан гэл үү онигоо шиг л юм байгаа юм чинь.

Энэ нөгөө тал талаасаа нийлүүлж авч явуулж байсан хяналтын монитор шүү дээ.

Би охиноо сахиад эмнэлэгт байхад хааяа амьсгал нь юм уу, зүрх нь, заримдаа бүр 2-уулаа зогсчино. Энэ монитор шууд дугарна. За тэгээд шууд арга хэмжээ авна. Тарихын тариад залгахын залгана. Тэгж байж сэхнэ. Хэдхэн секундын үйл явдал. Анх хараад би өөрийн эрхгүй уйлсан. Хүний амь чинь 15-20 секундэд л шийдэгдээд явчина. Энэ аппарат ЭНЭШТөв-д байдаггүй байхдаа яаж болдог байсан юм бол доо бодоод үз дээ. :(

Минийх энэ. Надад ганц аминд орсон эд байгаан. Одоо ч тэр. Ийш тийшээ явахаараа үүрээд явна. Хөнгөхөөн, жижигхээн, авсаархан. Саяхан нэг аялалаар яваад ниссэн чинь онгоцны буудал дээр намайг хажуу тийш нь гаргаж ирээд энийг маань задалж үзэв шд. Хөх саагч гэж мэдэж байгаа ч гэсэн ингэж үзэх ёстой уучлаарай гсн. Бодвол бөмбөг үүрсэн террорист хүүхэн бхвий гэж надаас айсийн байгааз :)

Энэ харин гараар саагч нь. Надад бас нэг бий. Анх энийг хэрэглэж үзсэн. Гэхдээ надад 2 хөхнийх хэрэгтэй байсан болохоор энийг нэг хэрэглээд л хадгалсан. Ер нь бол нэг хөхөө хүүхэддээ хөхүүлээд таардаг ээжид бол энэ их зүгээр. Хөхүүлээгүй хөхөө саагаал болоо.

2008 онд Монголд санамсаргүй Хүрмэн гээд сансрын тунел дээр байдаг аптекд автомат болон гар саагчнууд байхыг харсан юм. Тэр үедээ хүүгээ хөхүүлчихээд үлдсэн сүүгээ гараар саадаг байсан юм. Манай хүн тэндээс нэг саагч авья гээд. Би 100н хэдэн мянга байхаар нь яах юм гээд аваагүй. Тэгээл үнээний дэлэн шиг гараараа саагаад л... Одоо харамсаад байдийн. Гараар их саасан мөөм унжаад гэдсэн дээр ирчихдэг. Хөхний эд, эсүүд нь сунаад. Тэр үедээ аваад хэрэглэсэн бол хичнээн биед амар, бас гоо сайханд хэрэгтэй байсан бол доо гэж. Боломжтой бол аваад хэрэглэх л хэрэгтэй. Хөх чинь эмэгтэй хүний чухал эд эрхтэн шүү дээ. Мөнгө бол олдоно, сайхан хөхний хэлбэр бол үгүй гэж би боддог юм.

Сүү хадгалах:

Сүүгээ цэвэр саванд саасан байна. Сүү хөлдөөж хадгалах зориулалттай шууд угж залгааж хөхүүлж болдог сав, эсвэл хөхний сүү хөлдөөх зориулалттай уут зэрэг байна.

Хадгалахдаа огноогоо (он,сар,өдөр) сайн бичих хэрэгтэй. Дараа нь хэр удаан хадгалж байгааг амархан мэдэж болно. Мөн гаргаж гэсгээxдээ хэдний өдөр хэдэн цaгт гэсгээхээр гаргаснаа бас бичиж байвал санамсаргүй сүүгээ муутгахаас сэргийлнэ. Хөлдөөсөн сүүгээ гэсгээxдээ хөлдөөгчнөөс гаргаж хөргөгчний доод буюу хамгийн дулаан хэсэгт тавибал аажмаар царцмаг байдалтай гэсч сүүний тослог дээрээ хөвж, шингэн нь доороо тунахгүй. Харин шууд гаргаад тасалгааны температурт тавихаар гэссэн хэсгээсээ эхлээд тослог, шингэн нь ялгарч эхэлдэг юм билээ. Хүүхэд бас амтыг нь ялгана. (Бас хувийн туршлага)

Мөн буруу хадгалсан буруу гэсгээсэн хугацаа хэтэрсэн сүү хүүхдэд хоол биш хор болно.

Сүү хадгалах хугацаа:

- Тасалгааны температур - 1 цаг хүртэл

- хөргөгч - 5 хоног хүртэл

- хөргөгчний дээд талын хөлдөөгчид - 2 долоо хоног хүртэл

- Гүн хөлдөөгч (-20C дээш хүйтэн) - 6 сар хүртэл

Нэгэнт хүүхдэд өгөх гээд бүлээсгэсэн сүүг хөрсөнийх нь дараа дахин халааж болохгүй. Муудаад чанараа алдсан байгаа. Мөн сүүг халаахдаа микро печнд (microwave) халааж болохгүй. Халуун булээн устай саванд хийж халаагаад сайн сэгсэрсний дараа гарын бугалган дээр дусаагаад, халууныг ч, хүйтнийг ч мэдрэхгүй байвал сая зөв болжээ гэж үзэж хүүхдээ хооллож болно.

Түнхний хэвийн биш хөгжлийг оношлох энгийн аргууд

Нэг ээжийн блогийг уншаад сууж байсан тэсэлгүй бичихээр шийдлээ. тэр ээжийн охин нь түнхний мултралтай ч байж магад, үгүй ч байж магад. хүүхдийнх нь хөлний зураас хоорондоо нийлдэггүй, гишгуулэх гэхээр хөлөө дотогшоогоо гишгээд бүрэн тавьдаггүй гэсэн. Би энэ мэт зүйл илрэх юм бол шууд эмчид үзүүлнэ. Бүдээ эмч, гэмтэлийн эмнэлэг гээд л явж өгөх байх. Анх манай хүүг түнхний мултралтай байна гэж манай эгч оношлосон юм. Манай эгчийн хүүхэд бас тийм байсан. тэгээд хэлсэн даруйд нь л би зургийг нь авахуулаад Бүдээ эмчид үзүүлээд эгчийн онош батлагдсан. За тэгээд яаж гэрийн нөхцөлд анхан шатны хэмжээнд хүүхэддээ өөрийнхөө хэмжээнд бяцxаан үзлэг хийх талаар туршлага хуваалья.Миний хувьд эмч эмнэлэгийн хүн биш болохоор баахан хов живийн шинж чанартай юм бичсэн байж магадгүй тул түрүүлээд хүлцэл өчье. Өөрийн уншсан туулсан дээр тулгуурлан бичсэн болно.

Дараах тоxиолдлуудын аль нэг нь таны хүүхдэд илэрч байвал яаралтай хүүхдийн гэмтэл согогийн эмчид үзүүлэх хэрэгтэй. (Монголд Шинэ бил үү хуучин гэмтлийн эмнэлэгийн 5 бил үү 6 давхарт хүүхдийн гэмтлийн тасаг байдаг. Тэнд миний мэдэхээр энэ тал дээр мэргэшсэн Бүдээ гэж эмч бий. Тасгийн эрхлэгч, настай сайн эмч байдаг.) Бас эх нялхаст үзүүлдэг ч гэсэн. Харин үзүүлэхээсээ өмнө хүүхдийнхаа түнхний зургийг авахуулаад зургаа аваад очвол таньд дахин зураг авахуулах хэрэг гарахгүй шууд үзүүлэхэд чинь дөхөмтэй байх болно. Зураг авахуулахдаа Сонгдо юм уу гэмтлийн эмнэлэг дотор байдаг рентгэн зураг авдаг газар авахуулаарай. миний бодлоор сонгдо-ийн зургийн чанар сайн боловч зураг авч байгаа хүн нь яг ямар байрлалд бариж авахуулахыг нь хэлж өгдөггүй. харин гэмтлийн эмнэлэг яг яадагийг нь сайн мэдэхгүй байна.

1. хүүхэд эхийн хэвлийд байхдаа буруу байрлалтай байсан бол зайлшгүй төрснөөс нь хойш 6 долоо хоногийн дотор Эxод харуулах хэрэгтэй. Хэвийн байрлалтай хүүхэд ийм байна.

Буруу байрлалтай буюу Breech байсан бол ийм байна.

2. Гуяны дотор талын зурааснууд зөрөх

Хүүхдээ хэвтүүлээд 2 хөлийг нь нийлүүлж үзэхэд гуяны томоохон зурааснууд хоорондоо нийлэхгүй байх зөрөх зэрэг бол Түнхний хэвийн биш хөгжлийн нэг шинж тэмдэг байдаг. Гуяны зураас зөрөх явдал хэвийн хөгжилтэй хүүхдүүдийн дунд 25% байдаг болохыг бас анхаараарай.

3. Galeazzi шинж тэмдэг.

Хүүхдийн нэг талын хөл түнхний хэвийн биш хөгжилтэй үед 3-18 артай хүүхдэд хийхэд тохиромжтой үзлэгийн нэг хэлбэр юм. хүүхдийг үзэхдээ нуруугаар нь дээш нь харуулж хэвтүүлээд хөлийг нь өвдөгөөр нь нугалж хөлийн өсгийг бөгсөнд хүргэж бариад (90 Градусын өнцөг гаргавал сайн) 2 хөлийн шилбийг зэрэгцүүлж хөлийн тавхайг хэвтүүлж байгаа хатуу гадаргуун дээр бутэн тавиад харицуулж харахад өвдөг өндөр нам харагдана. Зураг дээр:

Өөр маш олон арга байдаг боловч мэргэжлийн эмч нар хийдэг тул хамгийн энгийн үр дүнг нь мэргэжлийн эмч биш хүн гаргахад тохиромжтой нь дээрх аргууд байлаа.

Хүн муулнаа яадаг юм

Саяхан би эгчтэйгээ 7 хоног аялалаар яваад ирсэн юм. Тэр үед нөхөр маань хүүхдүүдээ хараад би хөх саагчаа үүрээд эгчтэйгээ явж өгсөөн. Тэгсэн нэг шог юм сонсогдоод. Манай эгчийн хадам ээж нь Монголд баахан сенсаацалсан байж. Тэр хүүхэн тийм нялх хүүхдээ хаяаад хаашаа ийм удаан явдийн, бэрийг хурдан билетээ урагшлуулаад ир гэж хэл хүүхэдүүд нь санаад хэцүүдлээ (том н 13тай бага нь 5тай) гэх зэрэг тэнд үлдсэн хүмүүсийг баахан хөдөлгөж дээр дор нь оруулсан гэнэ. Бүр манай ээж рүү утсаар яриж манай эгчийг хурдан ир гэж хэлүүлэх талаар санал гаргасан байх юм. Ээж бол тиймэрхүү юман дээр күүл шүү дээ. Өө байнга яваад байдаг юм биш, гэсэн хариу хэлээд тоогоочгүй гэсэн. Гэтэл манай хүргэн бол ёстой өдөр шөнөгүй утасдаад л сэтгэлийн зовлон болгож байгаа юм чинь. Хүүхэд нь халуураад л гэнэ, уйлаад л гэнэ утасдаж өгнө. Тэгээд манай эгч буцааж залгаад хүүхдүүдийг нь харж байгаа нөхрийхөө дүүгээс асуухаар санаа зоволтгуй ээ ах дэврээгээд сүржигнэж байгаан л гэнэ. Гэхдээ л тэр хооронд чинь тэгж наяан юм болгох юу байна аа. За тэгээд аялал дуусдагийн даваан дээр бага хүүүхэд нь халуураад эмнэлэг явж байна гэдгийн. энд бид санаа зовоостой. эгч том хүүхэд руугээ залгаад ярисан чинь тэр өдөр хадам ээж нь бас өөр нэг ачаа дагуулаад тэднийд хүйтэн кола авчирчээ. (тэдний бага хүүхэд хоолой нь ямар ч билээ нэг өвчтэй хуйтэн юм уухаар хоолой нь шууд өвдөөд халуурдаг юм. Тэрийг нь хадам нь мэддэг.) Хүүхэд юм чинь бага нь уусан байгаан. том ах нь хоолой нь өвдөнө хэрэггүй гэж хэлсэн боловч халуун өдөр байна жааханг уу гэж зөвшөөрсөн гэсэн. Тэгээд шөнө нь халуураад, эгч рүү яриад, маргааш нь ээжийн найз эмчид үзүүлээд тарианд ороод гэх мэтчилэн энд байгаа эхийн сэтгэл бол бөөн шаналал. Ингээд халит харахад хадам бэрийн асуудал боловч яг нарийн гярхай хараад харицуулаад үзэхэд соёлын ялгаа, үзэл бодлын зөрүүтэй байдал бололтой. Тэр хүнд бол нөхөрөө далайсан газар нь далд орж далласан газар нь ил гарж явах нь л эмэгтэй хүний зөв сайхан, үнэнч шударга, за тэгээд сайн сайхан амидарч байгаагийн хэлбэр бол манай гэр бүлийн эмэгтэйчүүд хэзээ ч тийм хараат байдлыг хүлцэн амьдарч чадахгүй. Тэгээд л 20 хоног 2 хүүхэд нөхөрөө орхиж явна гэдэг бол нүгэл бололтой. Хамгийн гол нь энэ байтугай ээжүүд замаас аваад захаар дүүрэн. Тэгээд амьдралд оролцдог бол ямар хэцүү вэ тэ? Манай хүргэн ахын байдлаас харахад ээжийхээ хэлсэнг яг 100 давтаж хэлж, адилхан сэтгэхгүй ч, ээжийнх нь хэлсэн юм их нөлөөтэй байдаг нь харагдаж байгаан. Үргэлжлүүлээд бодонгуут надад баргийн хүн таалагддаггуй, ямар ч үед шуумжлэгч байр сууринаас ханддаг хүн чинь хүргэн бэрийг бол дээрээс нь доош нь хараад буцаагаад доороос нь дээшлүүлж харах байх даа. Гэхдээ миний авах чанар маань ямар ч үед күүл шдэ. Яаж ч дургүй хүргэж байсан инээгээд л өнгөрнө. Тэгэхээр юмны урдуур орж шалчигнаад байхгуй байлгуй гэж байдна. Гэхдээ л юмийг яаж мэдэхэв, шүүмжлээд өнгөрөх биш өөртөө хэрэгтэй санууштайг нь нааж үлдэхгүй бол тэ!

Зөвлөөч

Манай охин одоо 2 сар хагастай (зассан насаараа). Гэсэн нэг асуудал байна аа. Хөхний сүү маань татраад (охиноо эмнэлэгээс гарсанаас хойш цагтаа саахаа байсан, бас охиноо цагаар угжиж байсан болохоор ядраад цаг л гарвал унтдаг байсан зэргээс болоод сүү татарсан) хөлдөөж нөөцөлсөн сүүнээсээ гэсгээж өгдөг болсон юм. Гэтэл бараг 7 хоногийн өмнөөс угж ерөөсөө уухаа байчлаа. Яаж ч өлсгөөд, уйлуулаад өгсөн угж гэж мэдээл хэлээрээ түлхчинэ. Тэгээд мөөм өгөхөөр л ууна. дэлгүүрээс нэг шинэ угж аваад туршиж үзсэн. Хамгийн ээжийн мөөмтэй адилхан загвараар хийгдсэн гэнэ.

Гэхдээ бас л голчихлоо. Харин давуу тал нь аманд нь яаж ч хийгээд шахсан огиулахгүй юм аа. Бусад угжийг аманд нь хийгээд уулгах гээд шахахаар уртаасаа болдог юм уу ихэнхдээ л огиулаад тэгээд гулгиж дуусдаг юм. интэрнэтээс хайгаад уншсан чинь хүүхэд болгон адилгүй, ийм tохиолдолууд зөндөө гардаг энэ тэр гээд л бичсэн байна лээ. Явж явж мөөмөн дээр буугаад үлдэх юм шиг байна. Өнөөдөр эмчид цаг авсан байгаа тэгэхээрээ бас асуухаас. Бас л хүүхэд чинь ингээд байвал хүсэж байгааг нь өг гэх байлгүй дээ. Харин энэ талаар туршлагатай ээжүүд байвал зөвлөж туслаач. Болвол ээжээсээ ч юм уу мэддэг хүнээсээ бас асууж өгөөч. Баярлалаа.

ereever huraavar

blog settings-eer baahan oroldov. open to everyone, boltson yum shig baina. neg yum ayagui sonin bainaa. Yu geheer haalttai bolgoson, uuriihuu uzej baigaag toolohguigeer settingsee uurchilsun ch gsn uzej baigaa too n nemegdeed bhiin. hun unshaagui baihad avtomataar nemegdeed bnuu esuul unshih geed orj ireheer n haalttai bainuu, buu med. oiriin uyed mash zavgui blaa. medehgui ee blog bichih hun yum uu ugui hun yum uu. aimar tuushgui hun bn bi. anh neesen blogoo gants shuleg bicheed orhison 2003 ond bh. daraa n pass-aa martaad odoo url-iin martad sanaa amarsan. daraa n neeh olnoor n neesen bolovch bichsen yum yu ch alga. neg iimerhuu. ene blogiig ovoo idevhtei bichih bol uu gsn bass l baihgui boloh shinjtei. humuus ih goyo bichih yum oo, unshaad l baimar. bi unshij unshchaad comment uldeelgui l garchdag hun dee. ter gerelgegee bn, mother-life bn, bas sweetmommy bn. ta nar shuu l geye daa. herve end orj irj unshval. Bi uul n hend ch hereggui tsagiin garz hiisen bichlegend durgui. gesen chni uuruu tiim yum bichchvuu yav. haaya ingej yugaa medehee bolih n haashaa iin, genet l uimraad ch bgaa yumshig, hamag yumaa martaad ch bgaa yumshig gesnee baahan yum bodoj, shineer tuluvluj yanzan bur boldog uchir jantsan bainaa nadad. ter maan l unuudur oiriin uyed baih shig baina. yu ch gesen yag odoo baigaa uuriihuu zuilsiig bicheed end hadgalchihya, daraa orj ireed uchraa olyo.